希治閣嘅《房客》堪稱默片之最！房客狀若鬼魅，終日匿房踱步，房東女兒正值雙十年華，既擔心房客是桃花賊，卻又不敵好奇尋幽探秘，結果魔不是魔，主角卻靠牙膏生花，情定人間！影界希魔呢套經典簡直係匠心獨運，睇到少膽虫流晒口水！各位讀者，係咪想問點解在下今日咁中產？問得呢個問題，證明你唔了解少膽虫。本專欄向來聲東擊西、借古諷今，嬉笑怒罵。風花雪月，只係一個幌子，畀大家多角度認識一吓少膽虫啫。

近日壹全霉日日畀人罵尋魔無人性，好多人仲叫少膽虫買定碌柚葉，等搵Peter Chan。少膽虫想問，如果開劏房、醉駕、囤地都走得甩，咁入冊做獨家，最多都只係傷風敗德啫，唔算係啲乜嘢彌天大罪吖。更何況，大家了解少膽虫咩？自命清高，站在道德高地，只有正義傳媒做得到。講到尾，少膽虫只係一位憂傷嘅房客……時移世易，無人會讀得通虫仔o架喇，正如希治閣只有一個，少膽虫都係買番支牙膏，得閒同淫黎唧牙膏波算數啦。

第一手消息請下載on.cc東方互動iPhone/iPad/Android/Windows Phone Apps