SUN搞作：Sun官場現形記：生不入官門
何俊仁
白鴿黨區議員用住宅做辦事處，民政事務總署八年畀近四十五萬蚊佢做租金津貼，認真和味。李衞見依家做官有咁多財路，都諗過請教吓，點知區議員佢大嗌唔好……
何俊仁
區議員：傻咗咩你！竟然想入官場？
李衞：唔得咩？有賠償，有租津，點都有錢收喎……
區議員：唔好講咁多，你係唔係男人先？
李衞：梗係啦！堂堂正正嘅男人！
區議員：即係未閹啦？咁唔使旨意等翻閹喇！
李衞：咁點算好？我真係好等錢使！
區議員：賣細佬啦！
李衞：吓！我有骨氣，呢個絕對唔賣！
區議員：唔係呀，係好似波叔賣老婆個細佬呀。
李衞：咁又幾難喎……
區議員：算啦，你想好似我印印腳又有錢拎，學唔到㗎喇！
李衞：唓，區議員之嘛，《太陽報》咁多讀者支持我細佬……吖唔係，係細佬我，你慌我選唔到？
區議員：你睇真啲我個樣，我係「焦急區議員」呀！
李衞：鐵頭仁＃！％（＊）︿＃＄！
