政壇：韓靚女導演情傾雞蛋仔
美女導演李思康（右）同拍檔Kang Eun Jin食雞蛋仔，做晒生招牌。
香港旅遊業基本上得番「購物」呢項撒手鐧，旅發局今年第四次搞「香港購物王」比賽，邀請亞洲各地名人參賽，要鬥快去勻香港各地買齊指定物品，仲要睇邊位玩家最貼近指定金額，結果由台灣隊勝出，而來自韓國嘅靚女導演李思康就同嬌俏拍檔勇奪亞軍。
美女導演李思康（右）同拍檔Kang Eun Jin食雞蛋仔，做晒生招牌。
李思康係韓國國際巨星裴勇俊前女友，本身喺韓國都好高知名度。佢同另一位索女拍檔Kang Eun Jin走勻香港買嘢食嘢，咪睇兩位靚女身材瘦削，一定唔多鍾意食嘢，佢哋面對港人至愛小食「雞蛋仔」時，冒住增磅危機都要大啖大啖食，仲要影相留念，睇嚟佢哋好喜歡香港街頭小食喎！
雖然李思康玩得咁投入，但最終都只能屈居亞軍，不敵台灣組合惟毅同潘星蒼，因為台灣隊成功買晒成衣、化妝品、小食同手袋銀包等最受旅客歡迎產品。其實香港人最鍾意唔係買呢啲，而係買樓，旅發局不如諗吓搞個買樓王比賽啦！
