政壇：黃家和赴澳推港式奶茶

金茶王大賽喺世界唔同地區舉行分區賽，最後一站喺澳洲悉尼懷得市嘅賽事已圓滿結束，各勝出者將於本月中來港同場較量。咖啡紅茶協會主席Simon黃家和早前特別趕往悉尼出席活動，澳洲國會議員John Alexander喺大賽中坐足全程，又品嘗港式奶茶，大讚味道比澳洲嘅奶茶有層次得多。佢話對方好想了解多啲港式奶茶點解會咁受歡迎，當佢話畀對方知，港人每日消耗二百五十萬杯港式奶茶時，對方都嚇一跳。佢好高興咁話賽事首次獲國會議員支持，證明大賽已愈來愈受到當地政府重視。