只要心智成熟，智商正常的人，也該知曉，出重金登報紙賣廣告，就是想宣揚自己的「好嘢」，話畀人知自己有幾巴閉，至少也在講到自己幾啱幾好幾正氣！

唉！看到被香港全城市民唾罵的囤地局長劏房醉駕波個家人登報出嗰份聲明，真係唔出好過出，因那無私顯見私的鬼祟劣行，更令人齒冷和失笑！

聲明中，除了說「如果囤地，不會十九年裏只買一塊」咁無邏輯的廢話，讓人覺得無恥之外，另一條話「此事引起的風波，為我和子女、外家親人帶來極大的困擾和不安。」喂！大嬸！你兩公婆知唔知道，囤地劏房醉駕的惡行，層出不窮仍賴死不肯辭職，帶給全港七百萬人不安o架？我哋只不過想我們的政府有啲好人（或說是正常、懂規矩，沒有污糟邋遢嘅人）幫香港認認真真做事啫！仲有，你件囤地家人的敗行，唔止影衰香港人，仲影衰埋整個香港廢柴政府，佢死唔肯走，已拖累政府民望矣！還累到阿爺都頭痕緊呀！

為自己、為香港、為祖國，大嬸，請你叫枕邊人死開啦！唔該！

香港有啲寫專欄嘅老友，評論上述那位囤地波時，不停的稱他做「波哥」、「波爺」，唉！叫人作嘔！

你同佢好熟咩？哥前哥後三分險呀！話畀大家知佢個英文名叫做Paul Chan，堅嘅！一件不稱職嘅官員，少一件，香港就多一分福呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps