「汪！汪！」淫賤黎房中傳出狗吠聲，成個《爛果》編輯部都大為驚訝！隨之而來，又係一把熟悉的呼喚聲︰「少膽虫、肥豪同我入嚟！」少膽虫一開門，淫賤黎就一撲而上，騎住少膽虫……淫賤黎一條滿布利針厚舌，緩緩吐出，慢慢進逼少膽虫。「腦細，你做咩？」少膽虫喊道。誰不知換來卻是兩聲吠叫︰「汪！汪！」結果厚舌猛襲少膽虫，舌針更為少膽虫面部留下永不磨滅的傷痕！

「少膽虫，你喺我下面做咩？」淫賤黎突然清醒。少膽虫哭道︰「腦細，係你好似狗咁舔我，仲搞到我損晒！」只見淫賤黎一面狐疑︰「唔通同畀狗咬有關？」少膽虫再問︰「腦細，究竟係咩事？」淫賤黎眼泛淚光︰「自從《爛果》網站登咗鬧警察博同情嘅文章之後，有次我喺街睥咗隻警犬一眼，佢就猛追我，仲咬咗我……」淫賤黎雙手掩股，少膽虫同肥豪頓時明白。

呢個時候，肥豪突然黃綠醫生上身，道︰「腦細，會唔會係瘋狗症？」淫賤黎吃一驚︰「咁點算？」肥豪續說︰「我有條偏方，但就要犧牲……」肥豪將目光轉移到少膽虫身上。「腦細，我願意為你犧牲。」少膽虫無奈道。肥豪說︰「只要有人肯學古人啜毒，腦細就應該無事。」少膽虫一聽，即刻想打退堂鼓︰「腦細，我上有高堂，下有……」話未畢，少膽虫個頭就已被硬擠進一團肥肉中，少膽虫一下呼吸，心中只有一個想法︰「淫賤黎，你真係冷血o架！」

第一手消息請下載on.cc東方互動iPhone/iPad/Android/Windows Phone Apps