城中鏡：高佬賢有美伴睇紅魔鬼
何俊賢帶埋「女性朋友」劉小姐入場睇波。
前日喺香港「爛」球場上演嘅英超「紅魔鬼」曼聯同傑志賽事，五比二咁多入球，班球迷都不知幾興奮，當中包括入場觀賽嘅立法會漁農界議員「高佬賢」何俊賢。佢唔單止係第一次睇曼聯現場賽事，而且身邊仲有女伴相陪添！咁興奮係咪加倍呢？之不過，問起身邊女伴劉小姐係咪佢女朋友時，高佬賢笑言只係「女性朋友」喎！
何俊賢帶埋「女性朋友」劉小姐入場睇波。
老實講，高佬賢曾喺英國讀書，仲係喺曼徹斯特添！但佢話冇喺當地睇「紅魔鬼」嘅比賽。咁奇特？佢話一年生活費只有一千英鎊，買張波飛都要幾十英鎊咁貴，邊捨得使吖！
