城中鏡：張建宗搵食物銀行醫肚
張建宗（左）去食物銀行試食，一粒飯都冇剩。
依家啲食物銀行唔止為低收入人士提供乾糧，仲會提供埋膳食服務。勞工及福利局局長張建宗尋日下晝參觀本港一間提供熱食服務嘅食物銀行中央廚房，仲試埋廚師嘅手勢。廚師為眾嘉賓煮咗薯仔燘雞，佢食得津津有味，仲一粒飯都冇剩添！打聽之下，原來佢尋日一早開會開到中午，之後就趕嚟參加活動，可能未食晏，咪索性喺嗰度醫肚囉，佢去到就一味食，懶理傳媒提問。
張建宗（左）去食物銀行試食，一粒飯都冇剩。
話時話，個中央廚房又熱又焗，大家都熱到流晒汗，但張建宗汗都冇滴，仲咁好胃口，睇嚟坐慣政府呢個熱廚房，耐熱能力都強啲！
