城中鏡：遇示威受嚇 葉劉跌手袋
葉劉被示威者口號嚇親，連手袋都跌咗落地。
尋日係行政會議暑假前最後一次例會，但示威人數同平日差唔多都係得十幾個，而訴求亦不外乎要求政府增發免費電視牌照。雖然大部分行會成員繼續行後門避見示威者，但兩位非官守成員葉劉淑儀同胡紅玉依然喺前門落車，接過請願信後先行入特首辦開會。
葉劉被示威者口號嚇親，連手袋都跌咗落地。
不過葉劉落車行去示威區時，唔知佢係咪被示威者高叫口號嚇親，唔小心將個黑色鱷魚皮手袋跌咗落地。雖然葉劉反應夠快即時執番個手袋，但佢之後都冇乜點接信喇。行會今日起放暑假兩星期，八月中才復會。
