設計圖片及對白

發展局局長「波波」陳茂波爆出利益衝突疑雲，佢太太許步明同外家持有嘅公司早前宣布將新界古洞農地按市值公開招標出售，勢估唔到波波呢招「賣地救亡」，會觸發公文袋湯家驊公開挑戰「袋巾傑」梁家傑嘅發言，認真係鬼打鬼。

設計圖片及對白

話說尋日立法會發展事務委員會繼續就新界東北計劃舉行公聽會，身為泛民中人嘅袋巾傑發言原來唔係窮追狂打波波，而係話高興聽到波波以公開拍賣方式處理利益衝突，儘管呢個做法遲咗一啲喎！

袋巾傑嘅黨友湯家驊唔知係咪聽到呢句無名火氣，發言時直指不同意袋巾傑同另外一名議員嘅發言，又話如果係有真正誠信嘅人應該第一時間賣地，質疑依家過咗一年有關農地地價上升有否從中得益，甚至話將農地捐予慈善嘅做法更徹底。

但有人認為湯家驊突然暗寸自己友，只係「五十步笑一百步」，事關佢都其身不正，曾被揭發一直漏報持有多間本港同海外公司股份利益，加上又被揭其位於大埔康樂園嘅豪宅單位涉嫌僭建玻璃屋，所以講到尾湯家驊都係嚴人寬己，持雙重標準囉！

第一手消息請下載on.cc東方互動iPhone/iPad/Android/Windows Phone Apps