政壇：陳曉鈴籌款援內地貧童
「同營膳」香港分會合夥創辦人陳曉鈴呼籲港人「食」出愛心，關注中國同非洲貧困兒童。
東華三院總理陳有慶孫女Stephanie陳曉鈴年紀輕輕，喺美國加州卡萊門麥肯納學院修讀經濟及美術畢業後，回港接掌家族生意，不忘回饋社會。年前佢得知日本發起「同營膳」扶貧計劃，隨即引入香港，至今已號召二百間食肆加盟，呼籲大眾「食」出愛心。
「同營膳」香港分會合夥創辦人陳曉鈴呼籲港人「食」出愛心，關注中國同非洲貧困兒童。
青海唔少山區兒童，三餐只有一碗白飯同罐頭鹹菜送飯。（受訪者提供）
「同營膳」○七年喺日本發起，Stephanie話扶貧理念係每人點一份健康餐，食客或食肆老闆便捐出兩元，為中國或非洲兒童送上一份溫暖校餐。回想創立之初，逐家食肆敲門游說老闆加入，嘗盡閉門羹，但佢不輕易放棄，打動唔少朋友，叙福樓集團執董黃傑龍都加入做顧問，並號召旗下食肆支持計劃。Stephanie舊年到訪青海同江西探訪受助學校，親睹小學生每天三餐僅得一碗白飯或罐頭鹹菜送飯，心情激動。但喺佢哋計劃協助下，學生每餐至少可以加多隻蛋或一點菜。回港後佢決定加快籌款步伐，期望讓更多有需要嘅人食出幸福。
