SUN搞作：少膽虫手記：淫賤不能移
「憑自我，爛腳趾，拚出一身癡！」錄影廠中突然傳出淫賤黎嘅歌聲，話音剛落，娜姐就跛吓跛吓咁跑咗出嚟。只見佢一邊抹淚，一邊大叫：「變態佬！」然後就頭也不回咁衝上保母車，搵里奧費迪南去也。
「腦細！出咗咩事呀？」少膽虫立即入廠面聖。淫賤黎舔住手指，大鬧少膽虫：「你睇吓你請番嚟條友，咩《狗噏24》口味要重、要加甜喎，我呸！」少膽虫登時丈二金剛，摸不着頭腦，淫賤黎搖頭：「我係講你請嗰件『動身淫』主播呀！」少膽虫即刻打個突。淫賤黎繼續話：「嗰個『動身淫』主播成日話自己有基情，又話自己想偷食，成日宣淫販賤！挑，娜姐都頂唔順喇！」少膽虫搜索枯腸，都醒唔起請咗個咁嘅主持。淫賤黎見少膽虫無反應，就一巴星過嚟：「嗰條肥佬，姓黎o架，同我炒咗佢！」少膽虫心想腦細係咪精神分裂？竟然話要自己炒自己，突然想起佢老人家今日無去做舌針治療，難怪又發病啦！
