SUN搞作：算罷喇，鬍鬚曾！
鬍鬚曾被人鬧「大罪人」，佢自然心有不甘，日前仲化身「鍵盤戰士」，喺網誌上直抒胸臆，強調自己並唔係守財奴。網民見到，自然嬲到爆，直斥佢到今時今日，依然係無悔意……
網民︰你又噏乜……春天；都過咗咁耐，唔單止毫無悔意，仲要狡辯？
鬍鬚曾︰我都係講事實啫，做咩係要針對我喎！
網民︰庫房水浸，都唔肯制訂長遠政策。
鬍鬚曾︰有謂錢唔係萬能！
網民︰但無錢就萬萬不能，事實係你一毛不拔！
鬍鬚曾︰你咪亂噏，我成日都派一毛、五毛，推啲派糖措施畀大家o架！
網民︰你睇，你叫我哋將來點算……
鬍鬚曾︰無問題，外圍經濟似有起色，等你哋大個，香港經濟實復甦！
網民︰弊在你成日算錯，叫人點信你！
