作為忠實粉絲嘅張耀堂尋日同囝囝一齊去捧紅魔場。

「紅魔」曼聯同傑志嘅賽事本嚟係開心事,點知場地質素問題,變成佗衰香港聲譽,八達通行政總裁Sunny張耀堂都係「紅魔」忠實粉絲,唔理出面啲風風雨雨,話同囝囝一齊去睇曼聯,呢個動力,令佢做嘢特別開心添!

作為忠實粉絲嘅張耀堂尋日同囝囝一齊去捧紅魔場。

呢排落咁多雨,口頭禪話齋「打波先嚟落雨」,超掃興,Sunny話都好擔心大球場嘅狀況會影響紅魔賽事。記者同佢講到撲唔到飛睇大賽,皆因係「月光族」,Sunny即刻食住上,介紹記者用八達通嘅PC Reader,只要將個讀卡器連接個人電腦,就可以見到最近十次交易嘅日期、時間同金額,佢仲講笑咁話:「PC Reader可以用嚟check下畀外傭買嘢嘅八達通,同埋用嚟睇下小朋友平日嘅支出習慣。」

第一手消息請下載on.cc東方互動iPhone/iPad/Android/Windows Phone Apps