黃敏華前排話想騎番馬，點知轉頭又有咗第二胎，睇怕有排忙。

尋日見到腹大便便嘅信和置業太子女Nikki黃敏華出席旗下商場活動，相信佢好快又做媽媽。今年三月，佢出席香港打吡大賽時話，做咗媽媽忙住湊Ｂ，停咗騎馬兩年，但佢自細就鍾情騎馬，遲啲得閒想重拾興趣，點知轉頭又有咗，咁咪有排都無機會騎馬？

黃敏華前排話想騎番馬，點知轉頭又有咗第二胎，睇怕有排忙。

Nikki大肚又忙住湊仔，今次旗下商場搞「尋找巴黎」佢都抽空出席，可見佢對個活動好重視。佢話法國藝術家用鏡頭影低多間巴黎老店門面，再利用仿真數碼印刷技術，將一間間巴黎老店搬來香港，連地下階磚同水渠蓋都跟足巴黎實景，非常原汁原味，仲有個迷你巴黎鐵塔，十足小巴黎。佢又話負責設計嗰位藝術家前排嚟咗香港幾日，影低咗香港獨特一面，都會一併展出。

第一手消息請下載on.cc東方互動iPhone/iPad/Android/Windows Phone Apps