【互聯網】本港社運人士楊匡同親密戰友、內地維權人士劉沙沙呢對社運界嘅「神鵰俠侶」，本月中已經喺尖沙咀婚姻註冊處情訂終生。原來楊匡近日同朋友搬咗入大角咀嘅舊式工廈單位，一百呎劏房勝在房租夠平，但佢依家只得一張單人床，佢太太沙沙來港都唔知瞓邊喇。楊匡前日仲喺社交網站留言，話「小弟新居（家）徒四壁，求（最好九龍）實木書桌、衣櫃各一。」想話要全「屋」傢俬實木設計，認真講究，有模支持者隨即留言話有舊書枱捐出。楊匡咁多粉絲，籌旗搵家具相信冇難度，只要沙沙唔好呷醋就得喇！
