好啦！今日，又係炎夏書展最後一天，喺呢日，總會在現場見到極醜陋的畫面，就係有棚平日唔去書局的「豪客」，拖住個大篋，似大陸個人遊的「篋神」上身般，於場內奔走穿梭，佢哋唔係嚟找尋隱世好書，而係特別搜刮邊度有大賤賣的「倉底貨」！

最離譜的，是呢類買家喺人哋「要錢唔要貨」嘅悲苦時刻，仲要攞着數，人家已一百蚊七本啦！佢哋壓價，要一百蚊九本！你哋話呢啲係乜嘢「素質」（大陸用話）嘅讀者吖？

這也難怪那些畀得起錢的「消費者」，佢哋都係受社會大環境教育出來的一群「苦主」啫！現今香港全盤大陸化意識下，唔係啲咁嘅思維嘅「怪物」，又如何有銀両花費呢？

今年書展的生意，同社會氛圍一樣，異常極端分化，有參展商收入不錯，另一邊卻門庭慘淡；原來，這屆書展最多人買的，是本土意識的時政新書，亦見很多很多年輕人，尤以中學生為主的青少年最捧場，他們對當今香港政治甚為關注，這現象從未發生過的，咁係一個正常的表現，因今時今日呢個廢柴政府整個管治班子，不是庸才，就係身有屎的一棚奴才，醜聞迭出不斷，個個只顧自身利益，對香港毫無建樹，香港人惟有靠自己，捍衞自家權益，所以，這「覺醒」便由少年人帶頭囉！

點都好！趁一年一度書展，入去買一兩本書，增廣自己的知識，勿做被同化的劣質怪物，也是好的！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府