今朝淫賤黎同娜姐錄完《狗噏24》之後，就鬼鬼祟祟入廁所偷咗一大卷廁紙入房。少膽虫深明淫賤黎始終係人，一樣要吃喝拉撒睡；而且以前太監都會夜麻麻喺寢宮旁邊為皇上紀錄，於是，少膽虫躡手躡腳去到房淫賤黎門口，撥開百葉簾……

「等我睇吓有咩最新嘅片先！」淫賤黎望實電腦，一邊拎住廁紙，一邊猛按F5鍵，難怪壹全霉開支咁大，淨係買F5補充裝都買到破產。「嘩哈！呢個系列好似幾正喎，最衰harddisk唔夠位……」淫賤黎聚精會神，自言自語，完全唔發覺少膽虫已經竄入房。少膽虫正想一探屏幕正面的風光，點知極為污穢的場面呈現喺眼前！

「不倫之波波囤地妻？」少膽虫大驚，「腦細你唔係鍾意娜姐嗰類型咩？點會鍾意呢啲熟女o架？」淫賤黎旁若無人，繼續自說自話：「你識鬼咩？咁先正呀，佢哋寂寞空虛得嚟又唔安分，可以趁虛而入撈着數，佢老公又要詐唔知，好正o架……」淫賤黎突然醒起，嚇到縮成一團肥膏，慌忙話：「你幾時入嚟o架？」少膽虫理正氣壯：「你睇埋啲咁嘅嘢，你唔驚我《狗噏24》爆你大鑊？」淫賤黎先愕然後大笑：「我睇『動身淫』有咩出奇？啱啦，少膽虫你同我過嚟研究吓！」少膽虫脅迫不成，流出後悔的淚……