城中鏡：中國小姐趙哲妤盼忌廉哥證婚
趙哲妤前晚行騷時，透露近日執筆寫個人感受。
新民黨早前就吸納咗二○一○年中國小姐香港賽區冠軍Uny趙哲妤入黨一事惹起爭議，有人質疑佢入黨嘅目的，又有人指佢形象對黨有影響，仲有黨員喺社交網頁熱論一番，有冷嘲亦有熱捧，但係Uny自己又點睇呢？佢前晚穿上低胸魚尾婚紗行騷時，就透露近日開始執筆寫個人感受，希望明年可推出新書喎！咦，本新書會唔會提到佢入黨嘅感受呢？
趙哲妤前晚行騷時，透露近日執筆寫個人感受。
Uny仲話好喜歡貓咪，所以將來想搵「忌廉哥」作證婚人。咁有冇對象？佢話：「喺泰國拍戲識咗個泰國男仔，依家觀察階段。我係外貌主義者，鍾意身材大隻嘅男仔，佢性格又浪漫大方。」另外，佢又批評時下模宣傳寫真嘅手法不堪入目：「就算出街都唔會着到咁，更何況見記者！我係成年人，睇完都要去洗一洗眼。其實都唔知啲模邊個打邊個。」
