城中鏡：D場傳上市葉茂林口密
葉茂林搞新意思，喺自己間Disco開記招。（資料圖片）
耀才證券喺中環一間Disco搞記者會，推出現貨黃金買賣服務，儀式仲有一班辣妹助興添！講起呢間Disco，係主席葉茂林私人擁有嘅，舊年已盛傳話會搞上市，尋日問吓上市進度，點知葉生好口密，淨係話十畫未有一撇。咁又係，依家新股市場咁嘅樣，夾硬上都未必係好事啦！
葉茂林搞新意思，喺自己間Disco開記招。（資料圖片）
近日有老牌證券行結業，近年冒起嘅耀才都大嘆證券業難撈，仲勸勉記者話唔辛苦邊得世間財咁話，可能因為咁，就另闢財路囉，遲啲仲會做埋現貨外匯，將會喺第四季推出。
