城中鏡：煲冬瓜差林健鋒畀人寸
林健鋒煲冬瓜差，搞到台上嘉賓大感尷尬。
四川雅安市喺四月發生強烈地震，港人紛紛慷慨解囊捐款賑災。除咗有立法會財委會撥出一億元外，立會內一個工商專業嘅組合亦都邀請約一百位災區學生來港，參加為期五日四夜嘅交流團，希望佢哋可以盡快走出陰霾忘記地震傷痛。
林健鋒煲冬瓜差，搞到台上嘉賓大感尷尬。
交流團嘅歡迎晚宴尋日喺尖沙咀一間酒樓舉行，仲邀請到中聯辦副主任楊健同政制及內地事務局局長譚志源等嘉賓出席。但主人家之一、身兼行政會議成員嘅副主席林健鋒喺致詞時，因為「煲冬瓜」普通話講得太差，而令台上其他嘉賓大感尷尬。之後輪到國泰航空中國區總經理程鼎一發言，佢話香港人講普通話真係「普普通通」，仲叫台下嘅小朋友多多包涵，擺明係寸林健鋒煲冬瓜差啦！
