透視鏡：醫學會前會長也驚訝
蔡堅
「吓？無可能o架喎！糖尿病同高血壓只係好普通嘅都市病，如果航空公司因為咁而唔畀人上機，間公司咪要執笠？」本身患有糖尿病的香港醫學會前會長蔡堅，聞悉有市民被拒登機事件，亦感到驚訝。
蔡堅
「我自己本身都有糖尿病，平時要打胰島素，但搭過咁多次飛機，從來都未聽過要有醫生紙先上得機。除非糖尿病患者嚴重到爛腎，或者血壓高到好容易爆血管，否則搭飛機係完全無問題。」不過，他建議患有糖尿病或高血壓人士，亦應隨身帶備藥物上機，以策安全。
他又補充，部分人士是不適宜乘搭飛機，例如孕婦，或需出示醫生證明。「啱啱做完手術嘅人要特別注意，尤其係耳鼻喉手術，因為飛機上氣壓較大，有機會影響傷口。至於患有高傳染性病嘅話，好似沙士咁，就一定唔可以上機。」
