劉見之（左）早前出席莫斯科個人畫展開幕禮。
香港經常出產神童，但好似畫壇神童劉見之咁厲害，可以喺俄羅斯莫斯科藝術館開個人畫展，確係巴「之」閉！話說莫斯科藝術館屬於重點培育藝術家嘅專上學院，以往好少有中國藝術家獲邀開個人畫展，今次見之能夠以「我一見之一香港」為主題，展出約六十幅近三年嘅個人作品，即刻成為喺莫斯科藝術館開畫展嘅最年輕中國畫家。
累積咗至少五十個國際獎項嘅見之，早前去咗莫斯科出席畫展開幕禮，畀大批傳媒追訪，仲應邀到街頭寫生，好多人圍觀。講番個畫展，展品包括水墨、水彩、油畫同炭筆作品，部分更加係從世界各地暫借回來嘅見之得獎真迹，題材包括中秋、天后誕及太平清醮等節慶時嘅香港面貌，等當地人了解本港風土人情。大家無得去莫斯科唔使失望，據講佢嘅個人畫展九月將移師香港文化中心舉行。
第一手消息請下載on.cc東方互動
