SUN搞作：Sun官場現形記：燒房演習
李衞縱橫官場咁耐，自不然出席過唔少政府部門搞嘅活動。曾幾何時，消防處都搵過李衞，去睇吓佢哋嘅演習。結果大家都估到，梗係不忍卒睹……
處腸：今日火警演習，有貴賓睇住o架，要醒啲！
燒房員：係！
處腸：咪住，你收好支燒烤叉先！演習完先BBQ！
燒房員：咁啱啱喺碼頭捉嘅大籮魚點算好？咪擺到臭囉？
處腸：死蠢！咁都要我教？快啲塞去前處長間房先啦！唔好塞錯我度呀！
燒房員：係係係！不過……好似上邊有煙出喎，演習得咁迫真嘅？
處腸：睇過……死啦！實係我間房啲煙頭未熄！快啲射水！
燒房員：YES SIR！射呀！
處腸：喂！射到一地都係，同我射高佢！
燒房員：SIR！有心無力呀，鬼叫個泵房變咗洗衫房咩！
處腸：廢柴！等我出動私家水炮！
燒房員：吓？阿SIR你因住燒親自己重要部位呀！
處腸：你哋傻咗呀？我講緊私家消防車支水炮呀！
燒房員：咪一樣都係咁無力滴濕鞋！！！
