設計圖片及對白

旅遊唔一定係歎世界，作家雲海同旅遊作家項明生（James）兩個「旅遊達人」尋日齊齊出席書展活動，交流刺激旅遊經驗。雲海去過唔少戰亂國家及地區，更有唔少前政府高官跟佢出團，深入阿富汗、伊拉克、車臣等近年時有戰事嘅地區，其中又以阿富汗之旅最驚險，佢哋一度打算乘軍用直升機，但又怕人哋唔知直升機乘客嘅身份被狙擊，前官員建議將特區區旗掛喺直升機外以策安全，度掂安全大計後，計劃卻冇實行，因為租機費太貴。雖然係咁，佢都得悉啲特殊外遊防身之道。

設計圖片及對白

雲海話佢哋嗰次去阿富汗，一行共十一人，其中一位係姓王嘅前政府新聞處官員，本嚟佢哋係坐車去參觀巴米揚大佛，但被導遊以安全為由拒絕，各人於是喺酒店商量，想叫導遊替佢哋租架軍用直升機，仲計劃將特區區旗掛喺直升機外以策安全。問佢點解要帶特區區旗去旅行？佢話係為咗方便溝通同交涉，有啲團友仲會隨身帶備中國國旗同襟章以證身份喎！

雲海話，唔少前高官在任時經常外訪，漸漸愛上旅行，退休後相約四處遊歷。好似嗰位姓王官員好早期已經「踩線」到訪多個敏感地區，有次喺西伯利亞畀人拉咗，最後「耍官腔」成功甩身。

第一手消息請下載on.cc東方互動iPhone/iPad/Android/Windows Phone Apps