彩虹圖案時常被當成代表同志嘅標誌，立法會議員謝偉俊（Paul）近日面世嘅青綠色新議員戰車，車身巧合地驚現彩虹圖案，搞到惹來同志疑雲。

阿Paul尋日喺社交網站上載佢同新議員戰車合照，呢部戰車其實係舊車活化外觀，以青綠色為主色，車身印有「法律超人，健康民主」等字句。但最令人感興趣嘅係，阿Paul架戰車車身驚現彩虹圖案，好多人都將彩虹與同志拉上關係，莫非阿Paul有弦外之音？

阿Paul話其實佢架戰車嘅彩虹圖案同同志無關，只係代表兼容同包容性，至於車身嘅青綠色，佢承認呢個顏色係自己拍板揀嘅，一來可表達環保訊息，二來佢五行同綠色、紅色都好夾喎！此外，阿Paul亦密密開設議員辦事處，其中牛頭角下邨辦事處將於九月底開張，唔知到時佢架新戰車會否成為焦點呢？

第一手消息請下載on.cc東方互動iPhone/iPad/Android/Windows Phone Apps