憂內地企業收購黑心食品湧港

主婦擔心貨品漲價

記者昨日到多間百佳超級市場視察，發現超市內購物情況如常，市民未掀狂用現金券恐慌。家庭主婦林女士說：「百佳會唔會易手唔緊要，最緊要啲貨唔好賣貴咗」。家庭主婦李女士手持十多張一百元的百佳現金券，但稱「唔會急住用晒佢，都係有嘢要買先會用」。

市民駱先生家中仍有數百元的百佳現金券，無打算盡快用掉，他相信百佳轉手，反而吸引其他營運商進駐香港，提供更多購物選擇。李女士關心超市一旦易手，貨品會否漲價︰「價錢最緊要，相信市面有惠康、759阿信屋競爭，新買家會按市場需求定價。」

而網上討論區有網民提問：「如果百佳由中資接手，你會唔會杯葛百佳？」網民紛紛回應：「會，大陸黑心貨侵港」、「賣畀中資是肯定的，黑心食品來臨啦」、「美資法資日資快d嚟打救」。

有網民表示，賣百佳對全港市民都有影響，若香港人不買，一定落入大陸人手，建議全港市民集資買下百佳。但遭其他網民潑冷水：「傻的嗎？百佳舖頭依然由長實持有，等你買咗就加爆你租！」