投資係高壓力、高競爭嘅活動，近排有證券公司執笠，亦有公司逆市開分店，致富老闆周松堦講到減壓之道時，就透露佢鍾意捉圍棋輕鬆吓：「圍棋係古代四大藝術之一，傳說在堯舜時代已經出現。捉圍棋要考慮防守，又要判斷對手每一次落子目的，所以圍棋要捉得好，可以提升想像力、邏輯思維、甚至係風險判斷，對投資智慧有好大幫助o架！」

從圍棋中悟到咁多，令佢更熱衷推廣圍棋文化，早前致富證券聯同香港兒童棋院，贊助兼協辦中國棋院最大型嘅圍棋盛事，更將圍棋甲組聯賽第十輪比賽由內地移師至本港進行。可惜比賽當日周老闆唔得閒出席。

第一手消息請下載on.cc東方互動iPhone/iPad/Android/Windows Phone Apps