朱曦(左三)及李應平(右二)告別香江,羅台秦(右一)與戴澤良(右三)夫婦、孫至誠(左一)及李秀恒(左二)餞別難捨。

台灣駐港機構最近出現罕見嘅人事大變動,台北經濟文化辦事處處長朱曦及光華新聞文化中心主任李應平同時升官調職,朱曦將調派到瑞士日內瓦,出任台灣駐世界貿易組織(WTO)副代表,李應平就升任文化部政務次長,官職僅次於該部部長龍應台。

朱曦(左三)及李應平(右二)告別香江,羅台秦(右一)與戴澤良(右三)夫婦、孫至誠(左一)及李秀恒(左二)餞別難捨。

兩人離港在即,最牽掛嘅係乜?佢哋不約而同話,唔係香港嘅美食或迷人夜景,而係一班香港好朋友喎!

早前一個晚上,仁愛堂副主席羅台秦及其丈夫中華廠商聯合會常董戴澤良,特登喺深水灣遊艇會設宴為朱曦同李應平餞行,座上仲有廠商會副會長李秀恒夫婦、台北貿易中心主任孫至誠等人。朱曦話,雖然佢來港任期僅一年半,但認識好多朋友,友誼最寶貴,所以佢去到日內瓦履新後,一定會搵香港駐WTO代表團聚吓,事關佢都來自香港嘛!

李應平就話,佢未來香港之前,個個都話香港人情淡薄,但係佢認識嘅香港朋友都好和善,樂於助人,呢一點係佢此行最大得着。

第一手消息請下載on.cc東方互動iPhone/iPad/Android/Windows Phone Apps