城中鏡：李鋈麟臨瞓睇書催眠
李鋈麟要忙生意，又要做公益事務，只好在臨瞓前閱讀增值。
書展開鑼，市民又多一個掃書好去處，不過好多人對香港書展嘅踴躍情況係咪反映港人愛書，睇法各異，東華三院副主席李鋈麟出席一個活動時，都透露佢嘅讀書習慣，話習慣每天都讀吓書，即使進度慢，但都可以感覺自己有進步。
李鋈麟要忙生意，又要做公益事務，只好在臨瞓前閱讀增值。
李鋈麟平時忙於商務，要聚精會神睇書的確唔易，但佢又堅信人唔可以停低，因為不進則退，所以佢將睇開嘅書擺喺床頭，每晚臨瞓前睇幾頁，有時個人攰得滯，試過半頁已經入夢，但佢話唔緊要o架，睇咗半頁都係增值噃！其實，臨瞓前睇書可以靜心，唔少人更發覺容易入眠添。
