政壇：導盲犬勇闖立會求助
張偉民（左一）昨聯同視障人士黃文釗（左二）及其導盲犬Google，與準導盲犬Tovi及寄養人李小姐（右）去立法會搵陳克勤求助。
立法會新大樓自啟用以來，吸引好多人去參觀，尋日新大樓又迎來一批特殊來客。專為視障人士引路嘅導盲犬尋日進入新大樓，原來係專程搵立法會議員陳克勤求助。呢次亦係新大樓落成之後，首次有狗隻到訪。
張偉民（左一）昨聯同視障人士黃文釗（左二）及其導盲犬Google，與準導盲犬Tovi及寄養人李小姐（右）去立法會搵陳克勤求助。
負責帶領導盲犬到立法會嘅係香港導盲犬服務中心人員，中心主席張偉民話，導盲犬交託予視障人士使用之前，要訓練初生嘅幼犬一至兩年，期間需在一般家庭寄養，以適應社區環境。然而礙於許多大廈包括公屋同居屋都禁養狗隻，所以中心希望克勤幫手促請政府成立導盲犬認證制度，讓公眾可以確認導盲犬身份。
