政壇：袁彌明做人力掌舵人
袁彌明（前排左三）當選人民力量主席，希望帶來更多年輕及女性選民。
人民力量（人力）主席劉嘉鴻早前辭職，新主席由前港姐袁彌明（Erica）接任，任期至二○一五年四月。Erica話，當選主席希望可以加強人力嘅凝聚力，為人力帶來更多年輕選民及女性選民。有人認為，出身演藝界嘅Erica做咗靚女掌舵人後，人力嘅男性支持者數目有望激增，亦有人擔心Erica形象與人力格格不入。Erica自言有人話佢溫柔，亦有人話佢激進，總之群眾運動不應區分呢啲嘢，最快下周就會動身參與絕食五十小時運動喎。
袁彌明（前排左三）當選人民力量主席，希望帶來更多年輕及女性選民。
至於未來兩場選舉，Erica話人力喺下屆區議會選舉唔會參與泛民主派協調，除非大家有共同政綱，又會堅持二○一六年立法會全面直選，二○一七年特首普選無篩選，而且不接受任何密室談判。至於佔領中環行動，佢話只要方案符合人力嘅基本立場，佢哋就會支持喎。另外人力副主席有三人，分別係「慢必」陳志全、甄燊港及嚴達明。
