政壇：林鄭轟議員干擾答問會
新界東北發展計劃爭議大，有反對者攞粉嶺高爾夫球場綑綁呢個計劃，圖以貧富現象激起社會不滿，上個禮拜四，特首梁振英出席立法會答問大會，來自新界東嘅范國威喺議事堂向佢表不滿，仲將高爾夫球倒在會議廳通道上，散落一地，其他如陳偉業、陳志全、梁國雄及黃毓民又高叫口號，先後離座衝向梁抗議，議會愈嚟愈失序，政務司司長林鄭月娥都睇唔過眼，喺答問大會後翌日已去信立法會主席曾鈺成，點名上述議員，指摘佢哋行為不檢。
林鄭喺信中指出，有關議員嘅行為嚴重干擾答問會，對參與者構成危險。曾鈺成尋日回函，信中承諾會繼續嚴格執行《議事規則》，確保會議順利。
