立法會放暑假，勞工界議員鄧家彪（Bill）月底將會同太太帶埋四歲囡囡去斯里蘭卡玩十日。不過，阿Bill原本諗住帶囡囡出海觀賞鯨魚，但佢喺旅行社報咗團之後先知道觀鯨要喺冬天，依家惟有帶囡囡去嗰邊睇海龜補番數喎。

阿Bill話，佢去報團時個職員同佢講斯里蘭卡有鯨魚睇，見囡囡想睇鯨魚，便扑錘仲一口氣支付共三萬九千元團費，點知職員話佢知觀鯨要喺冬天，依家可以去當地睇下海龜嘅，話咁快，佢哋父女嘅希望就幻滅咗。原本佢一心諗住早啲去旅行，早啲返香港工作，點知人力事務委員會會喺本月三十一號開會，阿Bill無可避免要「缺席」，呢次真係連連失算。

第一手消息請下載on.cc東方互動iPhone/iPad/Android/Windows Phone Apps