政壇：吳亞軍執筆細數20年風雨
吳亞軍執筆寫過去二十年嘅風風雨雨。
二十周年話長唔長、話短絕對唔短，內地房地產企業龍湖地產今年成立二十周年，除咗晚宴慶祝外，董事長吳亞軍都執筆寫吓過去嘅風風雨雨，曾經做過記者嘅吳亞軍既過手癮，亦藉呢封信回顧過去，20年內龍湖由一個市走向全中國，一年銷售仲擴大到四百幾億人仔，即使面對質疑亦要堅持。
吳亞軍執筆寫過去二十年嘅風風雨雨。
吳總封信由創業講起，開始打入房地產時，佢哋除咗決心亦咩都唔識，只好謙虛咁不斷向人請教，吳總更話每日工作十幾個鐘之餘仲要自學建築、基礎工程，慢慢造出嚟嘅產品口碑愈嚟愈好，相信佢哋、相信龍湖嘅人亦都多咗。吳總又話，喺重慶發迹嘅龍湖想走向全國，呢個目標一度除咗佢自己，好少人相信。不過，喺公司堅定向前走下，依家發展到20個城市，呢個二十令佢感觸良多。聽龍湖中人話，今晚佢哋內部就舉行20周年晚宴，公司仲會以金幣表揚一班服務超過10年嘅員工添。
