九巴老臣子細說趣史
九巴昨推出講述九巴發展歷史書籍，各人穿上懷舊服飾話當年。
【本報訊】九龍巴士有限公司昨於書展出書講述巴士發展歷史，邀請歷史見證人現身說法，其中六十四歲的陳如才屬首批駕駛過海隧道巴士的車長，他笑言駕駛「烏嘴狗」（引擎前置巴士）方法較吃力，「以前要企起身扭軚，上斜要出力踩，仲要開水撥撥走引擎啲蒸氣。」他稱當年駕駛102號巴士，每程車費一元，過海後即五毫，「好多人喺新界到美孚排隊轉車，啲賣報紙直頭企係度派咁樣賣。」他現時仍任職兼職車長駕駛960號巴士，來往屯門及灣仔，明年退休。
九巴昨推出講述九巴發展歷史書籍，各人穿上懷舊服飾話當年。
駕駛巴士四十四年的才哥憶述當年屯門公路剛通車，設計未完善，經常塞車，車長及乘客都要忍，「一塞就幾個鐘，有女士忍唔到，唯有問其他人有無遮就地解決。」
本港首批女售票員、六十四歲的梁美芬回想當年六七暴動，大量勞工參與罷工，九巴便聘請女售票員頂替，「着起套制服覺得好英姿。」她最記得與車長想辦法減少逃票，「嗰時冇咁多投訴，夾計兜多幾個圈，個個都買晒飛，先畀佢哋落車。」她現於九巴任文職，明年退休。
