SUN搞作：少膽虫手記：為份工棄尊嚴
自從少膽虫學王安石搞變法，偷人相，本來諗住實立大功兼加人工。點知竟然有人告壹全霉侵權，告壹全霉事小，但要淫賤黎賠錢事大，最大問題係少膽虫偷用嘅！淫賤黎一早扯晒……火，叫人入房……
「你哋幾個知唔知，依家我已經好唔掂，仲要我嘔錢出嚟！呢壇嘢，實要有人孭！」肥豪、fing春蘇，加埋少膽虫聽到淫賤黎嘅尖叫，嚇到個個變「綠魔」，連面都青埋。「肥豪，張相係咪你偷用o架？」淫賤黎chok住問。早餐都未食嘅肥豪，餓到成口口水，「老細，唔係呀，我淨係識偷食……」肥豪講完，用手輕抹含春嘴角。「咁，唔通係……」淫賤黎嘅目光轉向少膽虫。四目交投，少膽虫驚到腳都震埋。「哦，少膽虫，仲唔係你？！」淫賤黎好似成功開發西部一樣咁大叫。「點會係我？」少膽虫哀道。淫賤黎再追問︰「腳都震埋，仲唔係身有屎？」
連番追問，少膽虫見招拆招，「老細，我只不過係急到就嚟瀨，打個尿震啫……」淫賤黎一面狐疑，諗一諗就話︰「係咩？咁你即刻瀨畀我睇！」為咗份工，少膽虫決定豁出去！滴滴仔之下，地上慢慢出現一溝「甘泉」。「好喇，好喇，我信喇！」淫賤黎揮一揮手，就叫番啲人出去。少膽虫呢一次犧牲，真係唔知值唔值得……
少膽虫
