SUN搞作：SUN官場現形記：救火部門真多魚
香港現不祥之兆？維港萬魚跳上岸，有啲仲瘋湧跳上救火部門嘅中區滅火輪碼頭。咁詭異，處長錯鑫驚到腳都震埋，即刻搵玲玲大師嚟睇吓，希望可以化解呢場災劫……
錯鑫︰大師，點解會咁嘅，會唔會係不祥之兆？
麥Lin Lin︰我屈指一算，的確係上天所示嘅警號！
錯鑫︰咦，唔係喎，你個羅庚掉轉咗拎？！你究竟係咪玲玲大師？
麥Lin Lin︰啋，你蠢到連人都搵錯，我係Lin Lin呀！
錯鑫︰想呃我，你肯定有報應！
麥Lin Lin︰自己衰咗仲賴人，你顧掂自己先講喇！
錯鑫︰你又唔係堪輿大師，你識咩？
麥Lin Lin︰你就真係「堪虞」喇！
錯鑫︰你講咩？我係救火，唔係睇風水o架喎！
麥Lin Lin︰啲魚淨係跳去救火部門碼頭，九成九同你哋做埋晒啲多餘嘢，亂查傳媒、嘥錢買錯車、救人指揮失誤有關喇，唔使係堪輿大師，都知你情況堪虞喇！
作者：李衞
