城中鏡:雷添良赴京為子打氣
雷添良(左)同太太見子女學有所成,都覺得好欣慰。(資料圖片)
九巴後人阿Tim雷添良係城中頂尖會計師,佢早年就將阿仔Anthony送到英國嘅大學修讀會計科,有意栽培愛兒繼承衣鉢。眨吓眼Anthony經已學有所成,嚟緊仲會喺北京實習,阿Tim除咗全力支持,仲打算趁暑假專程去北京一趟,度假兼順便探班添!
雷添良(左)同太太見子女學有所成,都覺得好欣慰。(資料圖片)
阿Tim愛女Nicola亦剛喺英國劍橋法律系畢業,九月會正式着起律師袍做女大狀。
問佢有冇留意關於九巴嘅近況,佢就坦言只係祖先嗰代創立九巴,到佢呢一代已經冇涉足任何業務,所以對此並無意見,亦唔知道發展成點。