城中鏡：謝偉俊陳恒鑌 好褸撞到正
謝偉俊
有間知名西班牙服裝品牌連鎖店近日清貨大減價，吸引唔少人乘機去執平貨。
謝偉俊
陳恒鑌
立法會議員Ben陳恒鑌同Paul謝偉俊原來都係該品牌嘅捧場客，尋日仲不約而同着上同款但唔同色嘅西裝褸，好似孖生兄弟咁撞衫撞到應一應。
雖然佢哋身形差唔多，但驟眼睇似乎阿Paul着得比較好睇，相反阿Ben件褸就好似有啲緊身。
阿Ben話件褸係太太買嘅，自己事前對此毫不知情，又話阿Paul向來對衣着打扮甚有心得，同對方着埋同一款褸，證明自己都好有Taste喎！
睇嚟，應該係阿Ben太太有Taste至真!
