撥秀髮

早前回復單身嘅賭王何鴻燊三房長女何超雲，自甩拖後一直不愁寂寞，早前與友人同飛泰國曼谷度假，期間穿上火辣三點式泳衣大騷好身材，玩水兼歎日光浴。早前有日下晝，我哋喺中環ifc遇到超雲同女助手，齊齊坐喺一間餐廳入面High Tea，叫到一枱都係美食，胃口似乎唔錯，睇嚟佢並冇因為失戀而影響心情喎！

撥秀髮

篤手機

笑得甜

當日下午三點，遠遠已望見身穿緊身Tee、超短熱褲加波Boot嘅超雲，孖住女助手歎下午茶。佢哋揀咗餐廳內開揚嘅位置坐低，跟手柯打三文治、蛋糕同咖啡。化晒妝、Set晒頭嘅佢蹺腳坐大騷美腿，星味甚濃，更明顯清減咗，當堂索晒。唔知佢係咪想以最佳狀態來迎接真命天子呢？

二人食得開懷，一路有講有笑，仲拎部手機出嚟影相。我哋上前同超雲打招呼，問佢感情狀況如何？心情靚爆嘅佢答話：「OK吖！」仲話依家好享受一個人嘅生活，有好多好朋友陪佢，感覺好好喎。唔知佢口中嘅「好朋友」，包唔包括傳聞「翻撻」嘅緋聞男友周柏豪呢？

第一手消息請下載on.cc東方互動iPhone/iPad/Android/Windows Phone Apps