設計圖片及對白

政府寧願花費三百億元向新界東北居民收地，都唔敢收回一百七十公頃大嘅粉嶺高爾夫球場，令今次「高場」同雞蛋之爭，好可能變成另一次菜園村風波翻版，但係民政事務局局長曾德成喺今次風波中未出過聲，外界普遍批評佢驚咗班富豪，而不理普羅大眾死活，有人仲插佢唔做嘢添！

設計圖片及對白

不過，近日有政府中人放風，聲稱德成局長今次係硬食死貓，其實佢都好想收回高球場好耐。據聞佢喺上屆政府曾向「貪曾」提出要檢視「私人遊樂場地契約」，尤其係粉嶺高爾夫球會，因為塊地面積最大，最易引起民怨，建議唔好再賤價租出去。

可惜貪曾性格向來剛愎自用，而且同班富豪為伍，因而惹來「官商勾結」嘅惡名，身邊好多老友都持有高球會會籍，貪曾為咗維護佢哋利益，所以就下令德成局長咪搞咁多嘢。

大家可能會問，點解新特首上場後，德成局長仍繼續闊佬懶理唔做嘢？據講係因為民政局政策原則，主動收回高球場會遭高球界人士質疑，點解當局唔向其他體育運動開刀？所以民政局要靠發展局出聲做醜人，以公眾利益為由要求收地。

第一手消息請下載on.cc東方互動iPhone/iPad/Android/Windows Phone Apps