政壇：食力簡撐高球場平民化
簡炳墀笑言對鄉議局嘅事只「顧」而不「問」。
跑馬地馬場尋晚舉行煞科賽事，我哋就喺場內見到位稀客，佢就係自年初刑滿出獄後，久未露面嘅五屆冠軍練馬師「食力簡」簡炳墀。佢笑言，已經好耐冇入馬場，今次係希望親身力撐愛徒葉楚航爭奪冠軍練馬師寶座。
簡炳墀笑言對鄉議局嘅事只「顧」而不「問」。
近日市民要求政府收回粉嶺高爾夫球場用地興建住宅嘅聲音此起彼落，食力簡就話囝囝都擁有該高球場嘅會籍，但佢覺得政府應該將球場「平民化」，讓普羅市民都可以入去打波，免得球場淪為有錢人嘅樂園。問到仲有冇關心鄉議局嘅事務？佢笑言，自己仲係鄉議局嘅永遠顧問，但只「顧」而不「問」喎！
