政壇：大輝拍打療法周身瘀
林大輝初學拍打拉筋療法，拍到手臂瘀晒，唔知嘅仲以為佢畀人打。
近年興起一種「拍打拉筋療法」，連立法會議員林大輝都跟住學。佢喺議員每月通訊中自爆，近日同太太雙雙迷上「拍打」，拍到自己周身瘀痕，着短衫短褲去踢波時更嚇親波友，以為佢畀對手撞傷，紛紛勸佢唔好咁搏命喎！
林大輝初學拍打拉筋療法，拍到手臂瘀晒，唔知嘅仲以為佢畀人打。
大輝話多位好友接觸呢種療法後，都大讚簡單易做，功效顯著，改善都市人腰痠背痛嘅都市病，令佢同太太都好感興趣。後來佢哋參加咗一個相關講座，聽專家蕭宏慈講解「拍打拉筋」嘅好處。據講拍打身體可以產生大量幹細胞，改善內分泌、打通全身經脈；而拉筋就有助氣血流暢，延年益壽，據聞「筋長一吋，長命十年」。
