以前文革十年浩劫，就話興拆古董啫，估唔到當今強國都係一樣，強拆成風，仲惡過紅衞兵。李衞就同地方官傾過，名人故居賣少見少，咁拆法佢哋有乜辦法，可以畀香港嘅文化保育參考，點知原來……

粵官：故居賣少見少，有咩咁好驚？

李衞：吓？人哋話晒係一代大老倌，唔同電影嗰啲呀，真係有捧場客o架！

粵官：咁咋？拆完再起過座咪得囉！

李衞：唔係呀話？拆嗰個人都要追到佢變瘦啦！

粵官：有咩唔得啫？有傳天安門都係重新起過，再講就算真係山寨版，都照樣有傻仔睇咁耐啦！

李衞：咁班大鱷呀、惡爺咪可以逍遙法外？

粵官：等我教精你，成件事嘅核心，唔係名人故居賣少見少呀！

李衞：咁係咩呀？

粵官：係我哋要生產多啲名人呀！快啲介紹多啲香港歌手上嚟跳水啦！

李衞：＠＆！＃＃＠＄！

第一手消息請下載on.cc東方互動iPhone/iPad/Android/Windows Phone Apps