City Snapshot：周紹榮靚妻學日語遊東瀛

青英會成員周紹榮同老婆蘇慧恩新婚三個月，尋日孖住入馬場撐廠商會嘅盃賽，而蘇慧恩係婚後首次出席公開活動，佢話仲未習慣畀人叫周太喎。眾所周知，周紹榮係日本通，佢話遲啲會帶埋老婆去日本，而太太就話正努力學習日語，之不過，去到日本都有翻譯，所以佢唔怕會出現溝通問題。周紹榮身兼廠商會青委，佢哋都話同廠商會係自己人，日後會多啲參與廠商會嘅活動。蘇慧恩係上屆工展會小姐冠軍，經驗豐富，佢大可以幫廠商會開禮儀班，教下啲後輩喎！