香港廢柴垃圾政府為了打壓七一遊行人數，做盡一切卑劣行為，無所不用其極，尤其七一前夕，藉詞派人搜查東方報業集團，恣意迫害，干擾新聞自由。

以為咁樣做，可以嚇怕正義的良心傳媒，不再如實報道社會怨氣和政府粗暴行騙市民的敗行，令遊行人數減低！再用虛偽語言，話香港人安居樂業！更有官員自誇自擂，毫不自滿的管好香港咁話，擺明呃中央放心！

真實情況係點呢？

七一前一晚，天文台突然高調不斷爆響口，話七一會有機會刮大風，甚至話颱風直指香港逼近，唔掛八號波，也會「狂風大暴雨」，後又說，唔打到應，亦雷雨交加，講到出街唔畀風打雷劈，都會全身濕晒咁款，但事實又係點呢？

網上，不少香港市民揚言，不管天氣如何惡劣，亦無懼風雨，繼續堅持站出來，用腳話畀低B賤格的無能的廢柴政府知，你班弱智庸才令香港苦不堪憐、怨氣沖天，施政混亂，垃圾（官員）圍城，你班友唔死都無用！係要讓中央得悉實情！

遊行期間，不少人大罵無能政府，其實，要以死謝天下的，應係有份問責的整群奴才。

成班賤精圍威喂，互相包庇，將僭建、打壓傳媒、針對東方報業集團之惡行，一一當無事發生過，香港人係有眼睇、有思想、有判斷的，香港大話精高層再多呢票睇show，也不會令香港變好啲！中央政府點會唔睇實況吖！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps