SUN搞作:SUN官場現形記:官字兩個口
救火部門亂咁嚟,正經嘢唔做,少巡查花園街不特止;做嘢又持雙重標準,無端端就一封電郵去查正義傳媒,最後當然係得個吉,反而自己嘅總部大樓係無掩雞籠,食堂招呼街客就唔理,仲見處長「錯鑫」懶懶閒!咁嘅「正苦」,點會唔谷爆民怨……
李衞︰有無搞錯,你哋做嘢咁隨便,黑點唔查,反而去查傳媒,仲衰到雙重標準,被人亂入總部?
錯鑫︰你誤會咗,其實無着制服嗰啲人都係消防員……
李衞︰有無咁多人唔着制服呀?
錯鑫︰食lunch個時着咗,咁啱食tea嗰陣收工,所以咪無着……
李衞︰有無食得咁密?
錯鑫︰官字兩個口,係大食啲o架喇,所以亦無時間去巡查……
李衞︰無證無據,你講咩都得喇!
錯鑫︰……就算係有街外客又點?我哋都要做多啲生意幫補吓……
李衞︰幫補?
錯鑫︰我哋成日買錯車,好重皮,梗係要幫補吓!