SUN搞作:Sun官場現形記:李漢奸五毛上身
斯諾登大爆美國竊聽機密犧牲自己自由。不過有人唔領情,仲喺電台聲稱以法律觀點去睇件事,港府出「師爺橋」放人唔啱喎。李衞聽到眼火爆,決定搵港府師爺「強國袁」同佢開庭對質……
李漢奸:膠人!
強國袁:我唔係膠人!最多係膠官!
李漢奸:我係話你哋之前應該要交人畀美利堅帝國政府!
強國袁:乜你係都要咁硬交?人都走咗,何必要幫美國做前卒?
李漢奸:咁法律上,簽咗引渡協議就要跟啦。
強國袁:「最高的法律是良心」,你聽過未?一句到尾,斯諾登爆竊聽機密,啱定唔啱?
李漢奸:唓,中國夠有竊聽啦!
強國袁:哈哈哈,你同五毛黨話貪官「外國也有」,有咩分別?
李漢奸:……
作者:李衞