政壇：江明熙行善 譚倩紅力撐
江明熙（左）同譚倩紅相識十幾年，容姨樂意為老友義唱籌款。
香港醫療專業人員協會（醫專會）早前喺北角新光戲院搞咗場慈善粵曲夜，「生蛇」（帶狀疱疹）剛愈嘅醫專會主席江明熙（Bernard）都落力打點，當晚嘉賓好多，就連甚少睇粵劇嘅食物及衞生局局長高永文、港大校務委員會主席梁智鴻等都捧場。
江明熙（左）同譚倩紅相識十幾年，容姨樂意為老友義唱籌款。
早前發現額頭近眼位置「生蛇」嘅Bernard一度驚生蛇入眼會導致失明，幸好有朋友介紹佢食特製配方龜苓膏，幾日後就痊愈。呢一晚，佢同粉墨登場嘅粵劇紅伶譚倩紅（容姨）有講有笑，佢哋相識十幾年，容姨知道佢想籌款，二話不說搵埋「明星好友曲藝社」一班成員加入義唱，三扒兩撥籌得逾四十萬元，臨場再有善長加碼捐多十萬元添，合共籌得超過五十萬元，超額達標。
